பூமியை 2006-ம் ஆண்டு முதல் 2007-ம் ஆண்டு ஜூன் மாதம் வரை தற்காலிகமாக ஒரு நிலா சுற்றி வந்திருப்பதை தற்போது கண்டுபிடித்து உள்ளனர் விஞ்ஞானிகள்.
2006-ம் ஆண்டில் ஒரு மீட்டர் நீளம் கொண்ட ஒரு விண்கல் (குறுங்கோள்) பூமியைச் சுற்றி வந்தது. தொடக்கத்தில் இது ஏதாவது ஒரு ராக்கெட்டின் சிதைந்த பாகமாக இருக்கும் என்றே விஞ்ஞானிகள் கருதினர். ஆனால், அதை தெளிவாக ஆராய்ந்திருக்கிறார்கள். அப்போதுதான் அது ஒரு விண்கல் என்பதே தெரிய வந்தது.
பூமியின் ஈர்ப்பு விசையால் தற்காலிகமாக இழுக்கப்பட்டு, பூமியின் சுற்றுப் பாதைக்குள் வந்த விண்கல் சுமார் 2 ஆண்டுகள் சுற்றிவிட்டுச் சென்றுள்ளது.
இது குறித்து ஆய்வு நடத்திய அமெரிக்காவில் நியூயார்க் நகரில் உள்ள கார்ன்வெல் பல்கலைக்கழகத்தின் விண்ணியல் ஆராய்ச்சியாளர்கள் "இது போல எத்தனையோ விண்கற்கள் பூமியைச் சுற்றி வருவதாகவும், பூமிக்கு ஒரே ஒரு துணைக் கோள் (நிலா) தான் என்று சொல்வது தவறு என்றும், இப்படி பூமியைச் சுற்றி வரும் தற்காலிகமான நிலாக்கள் விண்ணில் நிறைய இருப்பதாகவும்" தெரிவித்திருக்கிறார்கள்.
தகவல் : டி. கார்த்திக்.
0 comments:
Post a Comment