தகவல் களம் !

நீயா - நானா

பாம்புகளில் ஆண் பாம்பு, பெண் பாம்பு என அடையாளம் காண வழி இருக்கிறது. பொதுவாக எந்த வகை பாம்பாக இருந்தாலும், அவற்றில் ஆண் பாம்பிற்கு அதன் வால் தடிமனாகவும், பெண் பாம்பிற்கு மெல்லியதாகவும் இருக்கும். இதை வைத்து பாம்புகளை அடையாளம் காணலாம்.

பெட்ரோலே துணை

உலகில் எண்ணெய் வளம் உள்ள நாடுகள் - சவூதி, ஈரான், ஈராக், குவைத் மற்றும் ஐக்கிய அரபு எமிரேட். இவற்றில் தற்போது சவூதி அரேபியாவில்தான் எண்ணெய் இருப்பு அதிகம் உள்ளது. 26420 கோடி பீப்பாய் எண்ணெய். நாளொன்றுக்கு சவூதி அரேபியாவில்1.04 கோடி பீப்பாய் எண்ணெய் உற்பத்தியாகிறது. அதே போல் ஏற்றுமதியிலும் சவூதி அரேபியாவே முதலிடம்.

அஞ்சலும் - அர்த்தமும்

பின் கோட் எனப்படும் அஞ்சல் குறியீட்டு எண்களில் ஒவ்வொன்றுக்கும் ஒரு அர்த்தம். முதல் இலக்கம் மண்டலத்தை குறிக்கும். இரண்டாவது இலக்கம் துணை மண்டலத்தையும், மூன்றாவது இலக்கம் அஞ்சல் பிரிப்பக மாவட்டத்தையும், கடைசி மூன்று இலக்கங்கள் அஞ்சல் வட்டத்தின் அஞ்சல் நிலையத்தையும் குறிக்கும்.




தகவல் : டி. கார்த்திக்.