மிகச் சிறிய இக்கருவியை அமெரிக்காவின் லாஸ்வேகாஸில் நடைபெற்ற சர்வதேச நுகர்வோர் கண்காட்சியில் காட்சிக்காக வைத்திருந்தனர். 'பல்ஸ் மீட்டர் ரிங்' (Pulse Meter Ring) என்றழைக்கப்படும் இது, ஒருவரின் நாடித்துடிப்பு மற்றும் ரத்தத்தில்உள்ள பிராணவாயு அளவை கணிக்க உதவுகிறது. ரத்தத்தில் உள்ள பிராணவாயு குறைந்தால் மூச்சு திணறல் போன்ற பிரச்சனைகள் ஏற்படும். இக்கருவி மூலம் சரியான அளவைக் கணித்து அதற்கு ஏற்ப உடனுக்குடன் சிகிச்சை மேற்கொள்ள இக்கருவியை அறிமுகம் செய்திருக்கிறார்கள் அங்கே.
பொதுவாக பறவைகள் சீதோஷ்ண நிலைக்கு ஏற்ப இடம் பெயர்ந்து செல்வது வழக்கம். அமெரிக்காவில் உள்ள ஒருவகையான நாரைகள், விஸ்கான்சினில் இருந்து புளோரிடாவிற்கு குளிர் நாட்களில் இடம்பெயர்ந்து செல்வது வழக்கம். அவ்வாறு செல்லும் போது சில குஞ்சு நாரைகள் வழி மாறிச் சென்றுவிடுவது வழக்கம். அதை பாதுகாக்க ஃபெடரல் ஏவியேஷன் அட்மினிஸ்ட்ரேசன் சென்டர்' (Federal Aviation Administration Center) அமைப்பினர் பறவைகள் இடம் பெயரும் போது சிறிய ரக கிளைடர் விமானம் கொண்டு அவற்றுக்கு வழி காட்டி வருகிறார்கள்.
பார்க்க பறவை போல் காட்சி அளிக்கும் அந்த கிளைடர் விமானத்தை குஞ்சு பறவைகள், தாய்ப் பறவை என நினைத்துக் கொண்டு அதை பின் தொடர்கின்றன. இப்பணியை ஒவ்வொரு இடப் பெயர்ச்சி சீசனிலும் இந்த மையம் செய்து வருகிறது.
"அலோ டிரான்ஸ் பிளான்டேஷன்" மாற்று சிகிச்சைக்காக இந்த மண்டையோட்டை உருவாக்கியிருக்கிறார்கள் பெல்ஜியத்தில் உள்ள ஹென்ட் பல்கலைக்கழகத்தைச் சேர்ந்த மருத்துவ பேராசிரியர்கள். ஒரே இனத்தைச் சேர்ந்தவர்களிடம் இருந்து அணுக்கள், திசுக்கள் மற்றும் உறுப்புகளை மாற்றும் சிகிச்சைக்குப் பெயர்தான் "அலோ டிரான்ஸ் பிளான்டேஷன்" (Allo Transplantation).
இந்த சிகிச்சையில் சருமம், நரம்பு, எலும்பு என பல உறுப்புகளையும் மாற்றி அமைக்க முடியும். உலகில் முதன் முறையாக ஒருவரின் மண்டையோட்டை கொண்டு பாதிக்கப்பட்டவருக்கு முகச்சீரமைப்பு செய்ய பெல்ஜிய மருத்துவர்கள் திட்டமிட்டுள்ளனர். அதற்காவே இந்த மண்டையோடு!
தகவல் : ஷம்ரிதி.
0 comments:
Post a Comment