எண்களில் உள்ளது தகவல்....

32312 குறுந் தகவல்கள் ஒரு வினாடியில் பரிமாறப்பட்டன. ட்விட்டர் தளத்துக்கு மாற்றாக சீனாவில் உள்ளது 'சைனா வெய்போ' என்ற சமூக இணையதளம். சீனப் புத்தாண்டு தினத்தன்று இவ்வளவு தகவல்கள் ஒரு நொடியில் அதில் பரிமாறிக் கொள்ளப்பட்டது. இதுவரை ட்விட்டரில் ஒரு நொடிக்கு 7 ஆயிரம் தகவல்கள் பரிமாறப்பட்டதே உலக சாதனையாக இருந்தது.




9 கோடியாக ஜப்பான் மக்கள் தொகை வரும் 2060 - ம் ஆண்டில் குறைந்து விடும் என்று அஞ்சப்படுகிறது. இது இப்போதைய ஜப்பான் மக்கள் தொகையான 12 கோடியே 80 லட்சத்தைவிட சுமார் 30 சதவீதம் குறைவு. ஜப்பானில் குழந்தைப் பிறப்பு விகிதமும் குறைந்து வருகிறது. கூடவே முதியோர் எண்ணிக்கையும் அதிகம். இப்போதைய மக்கள் தொகையில் ஐந்தில் இரண்டு சதவீதம் 65 மேற்பட்டவர்கள்.




1092 டாலர் ஒரு அமெரிக்கத் தொழிலாளி சராசரியாக ஆண்டுக்கு காபி குடிப்பதற்காக செலவழிக்கும் தொகை. (இந்திய மதிப்பில் தோராயமாக 54 ஆயிரம் ரூபாய்)



11500 கோடி ரூபாய். சுவிட்சர்லாந்து நாட்டின் மிகப்பெரிய வங்கியான யுபிஎஸ் ஒரு வர்த்தகர் நிகழ்த்திய சட்டவிரோத பரிவர்த்தனைகளினால் அந்த வங்கிக்கு ஏற்பட்ட இழப்பின் அளவு இது. கறுப்புப் பணப் பதுக்கலுக்குப் புகழ் பெற்ற சுவிஸ் வங்கி ஒன்றில் நிகழ்ந்த மிகப் பெரிய மோசடியாக இது கருதப்படுகிறது.



104295 பேர் வியட்நாமில் கண்ணிவெடிகளுக்கும், போரின் போது வெடிக்காமல் இருந்த குண்டுகளுக்கும் பலியாகி இருக்கின்றனர். வியட்நாம் போர் முடிவுக்கு வந்து நாற்பது ஆண்டுகள் முடிந்த பிறகும் அதன் பாதிப்புகள் எப்படியெல்லாம் தொடர்கின்றன என்பதற்கு இந்த தகவலே சோக உதாரணம்.






தகவல் : லோகேஷ்.